Քաղաքի խորհրդանշական տարր – Պուլպուլակներ (Ցայտաղբյուրներ)
Ագռավի 9
Արտասովոր պուլուլակ Ալեքսանդր Թամանյանի հուշարձանի մոտ՝ համանուն պուրակում։
Այն ունի կլոր գավաթի տեսք։ Ցայտաղբյուրի պարագծի երկայնքով կարելի է կարդալ «Թող բխի ջուրդ, Հայրենիք» մակագրությունը։
Ագուռի 9
Պուլպուլակ Հյուսիսային պողոտայում.
Այն տեղադրվել է համեմատաբար վերջերս, բայց արդեն դարձել է քաղաքի բնապատկերի մի մասը: Բաղկացած է մինիմալիստական ոճով նախագծված վեց փոքրիկ շատրվաններից․ մոխրագույն քար և բրոնզե լեզվակներ, որոնցից ջուր է հոսում։
Խաչի 9
Երևանի բոլոր եկեղեցիների մոտ կան պուլպուլակներ։ Վրան խաչքարեր փորագրված այս եռաթև պուլպուլակը գտնվում է Հրազդան գետի ձախ ափին կանգնած Սուրբ Սարգիս եկեղեցու մոտ։
Սրտի 9
«7 աղբյուր» պուլպուլակ
Երևանի ամենահայտնի պուլպուլակն է՝ տեղադրված Հանրապետության հրապարակում։ Ստեղծվել է 1960-ականներին Սպարտակ Կնտեխցյանի նախագծով։ Ճարտարապետին ոգեշնչել է այն հնագույն լեգենդը, ըստ որի՝ դյուցազունները ջուր են խմել Արագած լեռան վրա եղած 7 աղբյուրից և ուժ ու քաջություն ստացել։ Ի սկզբանե «7 աղբյուրը» զարդարված էր ամրոցի աշտարակների տեսք ունեցող բրոնզե գլխիկներից, սակայն դժվարին 1990-ականներին դրանք գողացան։
2008 թվականին գլխիկները վերականգնել է ոսկերիչ-դիզայներ Նուռը (Nur) ։ Ընդ որում, վարպետը շատ գաղտնիքներ է թաքցրել այս պուլպուլակի մեջ։ Ցայտաղբյուրնների ներսի հատվածում հայոց այբուբենի տառեր են, ծայրակալների միջոցով կարելի է իմանալ ժամը՝ դրանք պատրաստված են այնպես, որ կարող են ծառայել որպես արևային ժամացույց։ «Ա» տառի վերևի նախշազարդի վրա կարելի է կարդալ «անուշ լինի» մակագրությունը։ Պուլպուլակի կենտրոնական մասում դրվագազարդված խաչ է, որի անկյուններում չորս լեզվով գրված է «Երևանին Երևանից»։ Հայերեն մակագրությունն ուղղված է դեպի հարավ, այնպես որ հեշտությամբ կարելի է պարզել, թե որտեղ են հյուսիսը, արևելքը և արևմուտքը: